ملالۍ د لوړو زده کړو مؤسسه

د ملالۍ لوړو زده کړو مؤسسې طب پوهنځی په کندهار کي د مسلکي روغتیايي کادرونو روزني په موخه د مؤسسې له تأسیس سره سم په کال ۱۳۹۱ل. کي د ثور میاشتي په ۴مه نېټه تأسیس سو. په پیل کي یې د محصلانو شمېر «۹۵» تنه وو چي د «۶» تنو مجربو استادانو په مرسته روزل کېدل؛ اوس یې د نارینه او ښځینه فارغ سوو او برحاله محصلانو شمېر تر اته سوه اوړي. طب پوهنځی د کندهار ولایت له عصري او معیاري روغتونونو سره قراردادونه لري او محصلان د عملي زده کړو له پاره یادو روغتونونو ته معرفي کوي. طب پوهنځی، همدارنګه، د محصلانو او استادانو د علمي څېړنو له پاره مالي سرچینې ځانګړي کړي دي. طب پوهنځی په تشکیل کي د پوهنځي ریاست، معاونیت، کلینیک څانګي آمریت، پاراکلینیک څانګي آمریت، تدریسي مدیریت، اجرائیه مدیریت او د څانګو اجرائیه مدیریتونه لري. د طب پوهنځي نظري ساعتونه په صنف او عملي ساعتونه یې په مربوطه لابراتوار کي پر مخ وړل کېږي. هر استاد د سمسټر په پیل کي محصلانو ته کورس پالیسي ورکوي او له کوریکولم سره سم تدریس کوي. همدارنګه ځیني مضامین په آنلاین ډول د نورو هيوادونو مسلکي کسانو له لوري محصلانو ته تدریسېږي.

لیرلید

د ملالۍ لوړو زده کړو مؤسسې طب پوهنځی به د سيمي په کچه د طب په ډګر کي داسي کادرونه وروزي چي علمي څېړني، خدمات او لاس ته راړوني یې د هیواد د پرمختګ سبب سي.

رسالت

د ملالۍ لوړو زده کړو مؤسسې طب پوهنځی د مسلکي او اخلاقي معیارونو په رڼا کي په بېلابېلو طبي څانګو کي د مسلکي کسانو روزلو په موخه اکادمیک چاپېریال رامنځ ته کولو له پاره هلي ځلي کوي.

بنسټیز ارزښتونه

ستراتېژيکي موخي