ملالۍ د لوړو زده کړو مؤسسه

ملالۍ لوړو زده کړو مؤسسه د غوره اکاډمیک چاپېریال رامنځ ته کولو په موخه ۳۳ جریمه ځمکه د خپل کمپس له پاره ځانګړي کړي ده، د غوره تدریس له پاره یې د ټولني تکړه استادان ګمارلي او د اداري چارو د پرمختګ له پاره مسلکي او ماهره بشري قوه لري. له دې هاخوا ملالۍ لوړو زده کړو مؤسسه هغه ځلانده نوم دئ چي سل ګونه نوموتي کادرونه یې ټولني ته د خدمت له پاره وړاندي کړي دي او لا هم دا لاره تعقیبوي

ملالۍ لوړو زده کړو مؤسسه د کیفیت تضمین دوهم پړاو په لوړو نمرو بشپړ کړی دئ او اوس مهال درېیم پړاو ته پوره چمتو والی لري. د دې ترڅنګ یې څلور لابراتوارونه (فزیک، کیمیا/بیوشیمي، اناټومي، مایکروبیولوژي)، عاجل اطاق، درملتون، مناظرې کلب، حقوقي کلینیک، تمثیلي محکمه، مجهز هارډ او سافټ کتابتون، کمپیوټر لب، ژبو مرکز، محصلانو انسجام او خدماتو مرکز، څېړنیز مرکز، مسلکي پرمختیايي مرکز، د لوبو میدانونه، کفتریا، کانتین، کاپي او مجهز ترانسپورت د خپلو محصلانو د ښه خدمت کولو له پاره چمتو کړي دي

زه د ملالۍ لوړو زده کړو مؤسسې په مشرۍ ډاډ درکوم چي تاسو به دلته په ښه کیفیت علم زده کوئ، څېړني به کوئ، بېلابېل مهارتونه به زده کوئ او د ټولني د پرمختګ او هوسایني لامل به کېږئ؛ ملالۍ لوړو زده کړو مؤسسه به ستاسو علمي کور وي

په درنښت

عبدالرحمن سعید

د ملالۍ لوړو زده کړو مؤسسې علمي مرستیال او سرپرست رئیس