ملالۍ د لوړو زده کړو مؤسسه

: عريضه

د دوولسم ټولګي څخه فارغ شخص د ملالۍ لوړو زده کړو مؤسسې محصلانو مديريت ته مراجعه کوي، په عریضه کي خپل شهرت لیکي او عمومي رئيس ته یې وړاندي کوي. د مؤسسې رئيس د عارض شخص عريضه د محصلانو چارو مديريت ته راجع کوي او د محصلانو چارو مدير همدي کس ته یو جلا دوسیه جوړوي

: درې کلني نمرې

که نوموړي شخص درې کلني (لسم، يوولسم او دوولسم ټولګي) نمرې او تصديق پاڼه نه لره، نو د محصلانوچارو مدير د درو کلونو نمرو فارمټ ورکوي، هغه شخص خپل اړوند ښوونځي ته ځي او تائيد سوي نمرې راوړي

: استعلام

د محصلانو چارو مدير د نوموړي شخص د فراغت ثبوت له پاره يو استعلام ور ليکي، دغه استعلام د مؤسسې رئيس تر لاسليک وروسته د نوموړي شخص په مرسته د پوهني رياست ته استول کېږي، تر څو د پوهني رياست د نوموړي شخص د فراغت تصديق وکړي

: صحت پاڼه

د روغتيا يوه پاڼه هم د مختلفو معائناتو له پاره کاندید محصل ته ورکول کېږي چي لاندي برخي لري

• الف: پر پاڼه باندي د محصل عکس نصبېږي
• باء: د محصلانو چارو مديريت له خوا ټاپه کېږي
• جيم: محصل ئې د معائناتو له پاره يوه روغتيايي مرکز ته وړي
• د: تر معائناتو وروسته ئې د روغتيايي مرکز رئيس تائيدوي او بيرته د محصلانو چارو مديريت ته سپارل کېږي

: د شخصي معلوماتو فورم

کاندید محصل ته د شخصي معلوماتو فورمه ورکول کېږي تر څو د محصل د تذکرې مشخصات او نور معلومات پکښي ولیکي او بیا یې محصل لاسلیکوي

: ژمن پاڼه

د ژمن پاڼي په نامه بله پاڼه ده چي محصل پکښي د ټولو اصولو، نافذه قوانينو، مقرراتو او لوائحو په وړاندي ژمنليک لاسلیکوي

: په ډيتابېس کي ثبت او د کانکور شموليت کارډ

د ذکر سوو پړاوونو تر طی کولو وروسته د عارض شخص نوم او مشخصات د مؤسسې په ډيټابېس کي ليکل کېږي او وروسته نوموړي شخص ته د کانکور شموليت کارډ ورکول کېږي

: په حاضري کي ثبتول

د محصلانو چارو مدیریت له خوا د بریالیو محصلانو لېست اړوند پوهنځي ته استول کېږي وروسته یې نومونه د پوهنځي تدریسي مدیریت له خوا په حاضریو کي لیکل کېږي

: واجد شرایط محصلان

په دولتي کانکورونو کي واجد شرایط محصلان د محصلانو چارو مدیریت ته مراجعه کوي او د یو ځانګړي فورم په ډکولو سره د پوهنځیو تدریسي مدیریتونو ته معرفي او په حاضریو کي يي نوم لیکل کېږي