د ملالۍ لوړو زده کړو مؤسسې او خوشحال طبي لابراتوار ترمنځ د ګډو همکاریو تفاهم لیک پنجشنبه (۱۴۰۴/۵/۲ ل.) د ملالۍ لوړو زده کړو مؤسسې د غونډو په تالار کي د دواړو لورو استازو په حضور کي لاسلیک سو.
په پیل کي د کلام الله مبارک آیتونه تلاوت سول، د غړو تر معرفت وروسته د ملالۍ لوړو زده کړو مؤسسې رئیس ښاغلي مولوي رحمتالله نیازي مېلمنو ته ښه راغلاست ووایه، د صحي مرکزونو پر ارزښت وږغېد او زیاته یې کړه چي ملالۍ لوړو زده کړو مؤسسه له دې ډول بنسټونو سره هر وخت همکاره پاته سوي ده او دا همکاري به جریان ولري.
د علمي چارو مرستیال ښاغلي پوهنیار عبدالرحمن سعید د ملالۍ لوړو زده کړو مؤسسې په اړه هر اړخیز معلومات له مېلمنو سره شریک کړل او د هر ډول همکاریو ډاډ یې ورکړ.
د خوشحال طبي لابراتوار مسؤل ښاغلي ډاکټر محمد کمال هم په خپل نوبت خبري وکړې، د ملالۍ لوړو زده کړو مؤسسې لاسته راوړني یې وستایلي او د خپلو خدماتو په اړه یې له ګډون والو سره معلومات شریک کړل.
د طب پوهنځي سرپرست رئیس ډاکټر محمد اسمعیل سادات د تفاهم لیک پر اهمیت خبري وکړې او مېلمنو ته یې د هر ډول متقابلو مرستو اطمینان ورکړ.
تر ویناوو وروسته د تفاهم لیکونو ترتیب سوي طرحي د دواړو لورو استازو له خوا لاسلیک سوې او مجلس د دعاء په ویلو سره پای ته ورسېد.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
