د څېړني کمېټې د پلان له مخي پرون چهارشنبه (۱۴۰۴/۵/۱ ل.) د ژبو او مسلکي پرمختیايي مرکز په تالار کي د کندهار پوهنتون د علمي څېړنو او مجلو مرستیال ښاغلي دوکتور رحمتالله پښتون په مرسته په څېړنیزو فعالیتونو کي د مصنوعي ځيرکتیا وسایلو د کارولو په اړه ورکشاپ ارائه سو.
ورکشاپ د کلام الله مبارکو آیتونو تر تلاوت کولو وروسته پیل سو، د څېړنیز مرکز آمر ښاغلي پوهنیار حبیب الرحمن رحماني د ښاغلي پښتون پېژندنه له ګډونوالو سره شریکه کړه او په څېړنیزو فعالیتونو کي یې د مصنوعي ځیرکتیا پر اهمیت لنډي خبري وکړې.
له مقدماتي ویناوو وروسته ورکشاپ د ښاغلي رحمتالله پښتون له خوا پیل سو چي په ترڅ کي یې د لاندي موضوعاتو په اړه له ګډونوالو سره مهم معلومات شریک کړل:
مصنوعي ځيرکتیا پېژندل
په څېړنیزو فعالیتونو کي د مصنوعي ځیرکتیا ګټي
د څېړنیزو فعالیتونو په برخه کي د مصنوعي ځیرکتیا مهم وسایل او د کارولو څرنګوالی یې
په ورکشاپ کي د مؤسسې رهبري هیئت، استادانو، اداري کارمندانو، محصلانو او له پوهنتون د باندي کسانو ګډون کړی و چي تر عملي کار او دعاء ویلو وروسته پای ته ورسېد.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
