د ورزش کمېټې د پلان له مخي تیره پنجشنبه (۱۴۰۵/۷/۱۶ ل.) له نشه يي توکو سره د مبارزې تر سرلیک لاندي د محصلانو ۱۲ اوریزه کرکیټ ټورنمنټ د ملالۍ پوهنتون د کرکیټ په لوبغالي کي پیل سو.
د محصلانو خدماتو د همږغۍ مرکز آمر ښاغلي عبدالواسع هڅیال له ټولو محصلانو څخه وغوښتل چي په دوستانه فضاء کي لوبي وکړي او د لوبو ټول اصول مراعات کړي.
د محصلانو چارو مرستیال ښاغلي ن. پوهنیار محمد الیاس کریمي له ټولو ګډونوالو څخه مننه وکړه، د ټورنمنټ په څرنګوالي یې خبري وکړې او ټول محصلان يې وهڅول تر څو د ټورنمنټ په لوبو کي ټول اخلاقي موارد مراعات کړي، له ویناوو وروسته د لوبڅارانو په مرسته ټاس واچول سو او د لوبو جریان پیل سو.
د یادولو وړ ده چي په ټورنمنټ کي ۱۶ لوبډلي شتون لري چي په پیل کي به ګروپي لوبي او ورپسې به حذفي لوبي کوي. ټورنمنټ د محصلانو بدني روزني او له نشه یي توکو څخه د مخنیوي په موخه جوړ سوی دئ چي هر سمسټر د مهالوېش مطابق ترسره کېږي.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
