د ملالۍ پوهنتون او نصرت بشیر معالجوي روغتون ترمنځ د روغتیايي او څېړنیزو ګډو همکاریو تفاهملیک نن چهارشنبه (۱۴۰۵/۴/۱۸ ل.) د ملالۍ پوهنتون د غونډو په تالار کي لاسلیک سو.
مجلس د کلام الله مبارکو آیتونو په تلاوت پیل سو، په پیل کي د پوهنتون عمومي رئیس ښاغلي مولوي رحمتالله نیازي وینا وکړه؛ مېلمنو ته یې ښه راغلاست ووایه، د ګډو همکاریو پر دیني او دنیوي ګټو یې خبرې وکړې؛ د ملالۍ پوهنتون د لاسته راوړنو معلومات یې شریک کړل او د هر ډول قانوني همکاریو ډاډ یې ورکړ.
د راغلو مېلمنو په استازیتوب ډاکټر حکمت الله خبري وکړې، د نصرت بشیر معالجوي روغتون په اړه یې معلومات شریک کړل، له ملالۍ پوهنتون یې مننه وکړه او وې ویل چي موږ د دې پوهنتون د فارغ په توګه هر ډول روغتیايي مرستو ته آماده یو.
د مجلس په پای کي د دواړو لورو ترمنځ د تفاهم لیک چمتو سوې طرحه لاسلیک سوه او مجلس د دعاء په ویلو سره پای ته ورسېد.
د یادوني وړ ده چي د یاد تفاهم لیک له مخي به نصرت بشیر معالجوي روغتون د ملالۍ پوهنتون له استادانو، اداري کارمندانو او محصلانو سره په خدماتو کي ۵۰ سلنه تخفیف کوي.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
