تیره شنبه، د روان ۱۴۰۵ ل. کال حمل میاشتي په ۲۹ مه نېټه د لوړو زده کړو وزارت د اکاډمیکو چارو د څارني او ارزوني ریاست له خوا د ټاکل سوي څلور کسیزه هیئت هر یو:
۱. محترم قاري سید الرحمن منیب (د اما.رتي لېسانس څارني او ارزوني آمر) د پلاوي مشر
۲. ګل نبي حبیبي ( د فوق لېسانس برنامو د کړنو او پلان د تطبیق د څارني او ارزوني مسلکي غړی)
۳. پوهندوی عین الله کریمي ( د غزني پوهنتون استاد)
۴. پوهندوی محمد مسعود نیک نام ( د غزني پوهنتون استاد)
د ملالۍ پوهنتون، طب پوهنځي، حقوقو سیاسي علومو پوهنځي له اکاډمیکو څارو څخه څارنه او ارزونه ترسره کړه.
په پیل کي راغلي پلاوي د پوهنتون له رهبري هیئت سره تعرفي مجلس وکړ، خپل کاري پلان یې تشریح کړ او د علمي چارو په پرمختګ کي د خصوصي پوهنتونونو پر اهمیت خبري وکړې.
د ملالۍ پوهنتون د علمي چارو مرستیال ښاغلي پوهنیار عبدالرحمن سعید راغلي پلاوي ته ښه راغلاست ووایه، د دوی له راتګ څخه یې مننه وکړه چي خصوصي پوهنتونونو ته متوجه دي او په پرمختګ کي یې برخه اخلي. همدارنګه ښاغلي سعید د څېړنو، کیفیت لوړاوي، فرهنګي او نشراتي فعالیتونو، کتابتون، استادانو، نصاب او... په اړه خپل معلومات له مېلمنو سره شریک کړل.
تر هغه وروسته د دوو ورځو په بهیر کي د پوهنتون او پوهنځیو په کچه ارزونه پیل سوه چي په ترڅ کي يې طب پوهنځی، حقوقو او سیاسي علومو پوهنځی، څېړنیز مرکز، کیفیت لوړاوي آمریت، مسلکي پرمختیايي مرکز، استادانو آمریت، د محصلانو د خدماتو مرکز، کتابتون، کمپیوټر لب، مناظرې کلب، حقوقي کلینیک، روغتونونه، لابراتوارونه، لوبغالي، د غونډو تالار او نور خدمات او آسانتیاوي وکتل سوې او د چک لېسټ مطابق یې ارزونه وسوه.
راغلي هیئت د ملالۍ پوهنتون له رهبري هیئت سره د ارزوني نتایج شریک کړل او له موجوده خدماتو څخه یې خپله خوښي څرګنده کړه.
مجلس د دعاء په ویلو سره پای ته ورسېد.
#ملالۍ_له_تیارو_څخه_رڼا_ته!
ویب پاڼه: www. Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان او یوټیوب: Malalay University
