د ملالۍ پوهنتون او وادي هلمند پوهنتون ترمنځ د ګډو همکاریو تفاهم لیک نن پنجشنبه (۱۴۰۴/۱۲/۱۴ ل.) د ملالۍ پوهنتون د علمي شورا په تالار کي لاسلیک سو.
مجلس د کلام الله مبارکو آیتونو په تلاوت پیل سو؛ د ملالۍ پوهنتون د علمي چارو مرستیال ښاغلي پوهنیار عبدالرحمن سعید د ملالۍ پوهنتون د پېژندني، خدماتو او د لاسته راوړنو اړوند لنډي خبري وکړې او زیاته یې کړه چي دا ډول علمي همکارۍ د پوهنتونونو د رسالت مهمه برخه جوړوي.
د ملالۍ پوهنتون رئیس ښاغلي مولوي رحمتالله نیازي د خپلو خبرو په لړ کي وویل چي تحصیلي اهداف هغه وخت ښه ترلاسه کېدای سي چي په ګډه کار وسي، تجارب تبادله سي او خنډونه له مخي لیري سي. د ملالۍ پوهنتون رهبري، استادان او اداري کارمندان په علمي برخه کي هر ډول همکاریو ته ژمن دي.
د وادي هلمند پوهنتون رئیس ښاغلي پوهندوی محمد اسمعیل مهربان د خپل پوهنتون پر پېژندنه، لاسته راوړنو او ترسره سوو خدماتو وږغېد، نوموړي له ملالۍ پوهنتون سره د تفاهملیک په لاسلیک کېدو خپله خوښي څرګنده کړه او وېویل چي په دې برخه کي به خپله پوره همکاري کوي.
د وادي هلمند پوهنتون د علمي چارو مرستیال هم په خپل نوبت خبري وکړي او دا تفاهم لیک یې د دواړو لورو په ګټه وباله.
تر ویناوو وروسته د دواړو لورو استازو په حضور کي د تفاهم لیک ترتیب سوې طرحه لاسلیک سوه.
علمي ظرفیت لوړونه، د نصاب پراختیا، د ګډو څېړنیزو فعالیتونو ترسره کول او... د یاد تفاهملیک مهمي برخي وې چي له مخي به یې دواړه لوري یو له بل سره همکاري کوي.
مجلس د دعاء په ویلو سره پای ته ورسېد.
#ملالۍ_له_تیارو_څخه_رڼا_ته!
ویب پاڼه: www.Malalay.edu.af
فېسبوک او انسټاګرام: Malalay.mihe
ټوېټر: Malalayedu
لنکډان: Malalay University
یوټیوب: Malalay University
